Prokuroria e Posaçme ka regjistruar një akuzë të re penale ndaj Ajola Xoxës, bashkëshortes së kryetarit të Bashkisë së Tiranës, Erion Veliaj. VNA ka mësuar se akuza lidhet me fshehjen e të ardhurave dhe ka të bëjë me pagesat e zyrës së saj.
Xoxa, e cila ishte thirrur nga prokurorët për të dhënë shpjegime, ka vendosur të mos japë detaje. Ajo është paraqitur e shoqëruar nga një prej avokatëve të saj.
Ndërkohë, Xoxa është nën hetim edhe për korrupsion, pastrim parash dhe mosdeklarim të pasurisë.
