Ish-deputeti socialist Artan Gaçi është larguar nga ambientet e Prokurorisë së Posaçme (SPAK), ku ishte paraqitur i shoqëruar nga avokati i tij, Gurali Brahimllari.
Pas daljes nga SPAK, avokati Brahimllari deklaroi se klienti i tij ishte thirrur në cilësinë e personit nën hetim.
Gaçi, bashkëshorti i ish-ministres së Mbrojtjes, Olta Xhaçka, është nën hetim nga Prokuroria e Posaçme për disa vepra penale.
Hetimet ndaj ish-deputetit socialist po ndiqen nga prokurori i posaçëm Ols Dado.
Deri më tani nuk janë bërë të ditura detaje të tjera lidhur me deklarimet e Gaçit përpara hetuesve të SPAK.
