Berisha ndryshon mendim. Pasi i ishte betuar Ismail Qemalit dje se do e dërgonte Ramën në Beograd, sot në Tropojë deklaroi se nuk do ta lejojë Ramën të dalë nga Shqipëria pa dhënë llogari.
Në përmbyllje të turit elektoral nga Tropoja, kryetari i PD tha para banorëve të këtij qyteti se: “Duam që banorët e Tropojës dhe mbarë Shqipërisë të jetojnë të lirë, me dinjitet, të mëkëmben çdo vit e më shumë. Pasuritë e tyre të kthehen në të mira për familjet, për qytetarët e Tropojës dhe të Shqipërisë.
Ne vijmë sot këtu tek ju si një forcë politike tradicionale që vlerëson dhe beson në traditën tonë, dhe tradita jonë është familja; është trashëgimia më e virtytshme që kemi ne shqiptarët. Trashëgimia jonë është morali, virtyti,” - përfundoi Sali Berisha në takimin e sotëm në Tropojë.
