Nga Himara ku mori pjesë në çeljen e sezonit turistik, Edi Rama shmangu deklaratat për zgjidhjen konkrete për çështjet e pronësisë duke devijuar fjalën e tij për projektet në këtë qytet. Sa i takon titujve të pronësisë Rama tha se puna do të vijojë edhe pas fushatës. Gjithashtu foli për projektet e reja në këtë zonë, nga krijimi i sheshit kryesor, te parking i makinave, ndërsa bëri batuta edhe me kryebashkiakun Vangjel Tavo. Rama: Ne do të vazhdojmë të punojmë, të përpiqemi, të shtyjmë përpara dhe gjëja më e mirë në këtë terrtitor ka rënë një qetëso dhe ndihet një energji pozitive. Pas mbylljes së fushatës, të fokusohemi te punët që duhet të vazhdojmë në këtë territor. Kemi mbyllur një pjesë të çështjes së pronësisë me shtëpitë e vjetra, por e di shumë mirë që puna vazhdon me pjesë të tjera që kanë të bëjnë me pronësinë. Projektet Rama: Kemi folur me Vagjelin për qendrën e Himarës. Nuk e ka një qendër, ka një tmerr aty. Kemi folur për parkingun e madh nëntoksor te Stadiumi. Do të bëjmë një gjë spektakolare me parkingun. Kemi folur për Borshin, për zonat e tjera. Dhërmiu do të jetë komplet tjetër falë punës së Mirelës dhe Vangjelit, janë të dy gjirokastritë.
