Protesta kundër Reformës së re Territoriale është shoqëruar me tensione përpara Kuvendit, ku kryebashkiaku i Memaliajt, Albert Malaj, është përfshirë në një përplasje me forcat e policisë.
Malaj ndodhej mes qytetarëve dhe përfaqësuesve të opozitës që kundërshtojnë ndryshimet e propozuara në ndarjen administrativo-territoriale të vendit.
Situata u tensionua pasi efektivët e policisë u kërkuan protestuesve të largoheshin nga rruga dhe të mos pengonin qarkullimin, çka solli përplasje mes palëve.
Protesta po zhvillohet paralelisht me seancën plenare të Kuvendit, ku në rendin e ditës është edhe projektligji për Reformën e re Territoriale, i cili ka shkaktuar kundërshtime nga opozita dhe përfaqësues të pushtetit vendor.
