Në mitingun përmbyllës në Vlorë, kreu demokrat Sali Berisha u betua mbi figurën e themeluesit të shtetit shqiptar, Ismail Qemalit, se Edi Ramën do t'a largoj nga Shqipëria. Nga sheshi i flamurit, Berisha ftoi vlonjatët dhe shqiptarët të qëndrojnë, të jenë të fortë sepse ora e historisë i fton. "Jam këtu, në këtë shesh, sepse kur erdha për herë të parë në Vlorë, përpara monumentit të Ismail Qemalit, bëra një betim: Se këtë tradhtar do ta largoj nga Shqipëria, do t'a çoj në Beograd. Do ta bëj këtë për Vlorën, për shqiptarët. Edi Rama, je në rreth të kuq. Fundi të pret!"-tha Berisha. Për të përforcuar deklaratën e tij, Berisha kërcënoi Ramën duke deklaruar se nuk mund të luash me fatin e Shqipërisë, as me dinjitetin e shqiptarëve.
