Këshilltari kryesor i këshilltarit Chris LaCivita për fushatën e Partisë Demokratike në Shqipëri, Philip Griffin, ishte i pranishëm në takimin elektoral në Tropojë.
Gjatë fjalës së tij, Griffin u shpreh se kishte vite në politikë, por nuk kishte parë asnjë politikan që të punonte kaq shumë sa Sali Berisha.
“Unë jam në politikë prej 20 vitesh. Nuk kam njohur asnjë politikan që ka punuar më shumë se Dr. Berisha. Por ai nuk mund ta bëjë këtë i vetëm. Tani është koha që ju të bëni pjesën tuaj,” u tha ai qytetarëve të Tropojës.
Chris LaCivita, ndërkohë, nuk është shfaqur fizikisht në fushatën e PD. Më herët gjatë ditës, ai postoi një poezi për bufin në profilin e tij në rrjetin X. Pak ditë më parë, ai zhvilloi një takim online me drejtues qarqesh dhe kandidatë për deputetë të PD. Për demokratët, prania e LaCivita-s si këshilltar i fushatës është një gur i fortë themeli në ndërtimin e fitores ndaj kryeministrit Edi Rama.
