Kur ka mbetur më pak se një javë nga dita e votimit, entuziazmi dhe siguria e Ilirian Celibashit se “gjithçka po shkon mirë” pér procesin e votës së Diasporës ja la vendin paralajmërimit: Tërhiqni zarfat pranë zyrave të DHL-së. Në një postim në rrjetet sociale Komisioneri i Zgjedhjeve shkruan:
Të gjithë ata zgjedhës nga jashtë, kudo në botë, por veçanërisht ata në Greqi, të cilët deri më sot nuk kanë marrë njoftim dhe/ose nuk janë kontaktuar nga DHL, qoftë nëpërmjet e-mailit apo nëpërmjet SMS-it, janë të lutur të kontaktojnë me shërbimin e DHL në vendin ku jetojnë, për t’u informuar mbi dërgesën postare nga KQZ.
Mungesa e njoftimit apo e kontaktimit të këtyre zgjedhësve deri tani nga DHL është kryesisht për shkak të problemeve me adresën e banimit të deklaruar në PER, e cila nuk përputhet me adresën aktuale në terren, ose për shkak të përdorimit të numrave të kontaktit shqiptarë, ku zgjedhësi nuk ka akses", shkruan Celibashi.
Ndërkohë në televizionet kombëtare dhe lokale KQZ vijon të transmetojë spotin ku qytetarëve shqiptarë që jetojnë jashtë Shqipërisë u kërkohet të rrinë në shtëpi e të presin tu mbërrijë zarfi bashkë me postierin e DHL-së
