Boksierja kosovare Donjeta Sadiku ka triumfuar në Lojërat Mesdhetare “Taranto 2026”, duke u kurorëzuar me medaljen e artë në kategorinë deri në 60 kilogramë.
Në finalen e madhe, Sadiku u përball me boksieren që përfaqëson Serbinë, Kristina Kuluhova, në një duel ku sportistja kosovare tregoi epërsi që në raundet e para.
Pas dominimit dhe goditjeve të sakta të Sadikut, Kuluhova u detyrua të tërhiqej për shkak të një lëndimi në raundin e dytë, duke i dhënë fitoren dhe medaljen e artë boksieres nga Kosova.
Me këtë sukses, Donjeta Sadiku e mbyll në mënyrën më të mirë rrugëtimin e saj në “Taranto 2026”, duke i dhuruar Kosovës një tjetër medalje të artë në arenën ndërkombëtare.
Triumfi konfirmon edhe një herë nivelin e lartë të boksieres kosovare, e cila vazhdon të jetë një prej emrave më të spikatur të sportit të Kosovës.
