Partia Demokratike ka reaguar pas qëndrimit të SPAK se po verifikon faktet për kontratën e lobimit në SHBA. Në një njoftim zyrtar thuhet:
“Partia Demokratike është transparente për kontratën me avokatin e Presidentit Trump, e cila është nënshkruar në përputhje të plotë me ligjet e të dyja vendeve dhe depozituar në FARA sipas çdo rregulli! Partia Demokratike gjen dhe njëherë rastin të falënderojë patriotët e komunitetit shqiptaro-amerikan për bujarinë dhe ndihmën e pakursyer për çmontimin e regjimit të Edi Ramës!”
Ndërsa këmbëngul se donacionet janë të shqiptarëve që jetojnë në SHBA, PD nuk përmend shumën e paguar deri më tani (750 mijë dollarë). Në të njëjtën kohë, ajo nuk harron të sulmojë Prokurorinë e Posaçme për mos hetimin e dosjeve “339” dhe “184”, inceneratorin e Tiranës dhe çështjen “McGonigal”.
“Falë diasporës jemi më të fortë se kurrë!” – përfundon njoftimi për shtyp i PD.
