Kryesia e Partisë së Lirisë miratoi sonte vendimin e Ilir Metës për të qenë kandidat për deputet në listën e hapur në qarkun e Tiranës.
Meta dhe partia e tij janë pjesë e koalicionit me Partinë Demokratike, ku kishte kërkuar dy vende në listën e mbyllur ne Tiranë për të dhe sekretarin e përgjithshëm të PL, Tedi Blushi.
Këtë e konfirmoi dhe Sali Berisha, i cili udhëheq koalicionin, ku deklaroi se Meta do të ishte në listën e sigurt, pasi nuk mund të bëjë fushatë për shkak se ndodhet në burg.
Kalkulimet e fundit mesa duket kanë detyruar ish-presidentin të tërhiqet, ndërsa mbetet për t’u parë nëse vendi i tij në listën e mbyllur do të zëvendësohet me një emër tjetër nga radhët e PL.
