Deputetët e mazhorancës dhe të opozitës janë bërë bashkë në seancën e sotme plenare duke majtur një minutë heshtje në nderim të ish-deputetit Andis Harasani që ndërroi jetë dje. Por kreu i PD, Sali Berisha, sapo mori fjalën nuk kurseu emrin e ish-deputetit të ndjerë ta përdorte për debat. Berisha tha se PS e përzuri dhe për këtë duhet të kërkojë ndjesë.
“Mendoj se aktet e nderimit, duhet të jenë të plota dhe të sinqerta. Andi Sarasiani i përkiste një plejade politikanësh të rinj, i shkolluar mirë, i kyçur në proceset demokratike. Por nuk mund të mohohet se ju përzutë atë dhe duhet të kërkoni ndjesë. Rilindja e përzuri atë” - tha Berisha.
Kjo retorikë minimumi është mungesë respekti për të ndjerin. Por edhe një hipokrizi tjetër e madhe e Berishës kur kritikon sjelljen e partisë ndaj një ish-deputeti, pasi vet është autor i sjelljeve të tilla. Kreu i PD mesa duket e ka harruar se si përjashtoi nga partia në vitin 1995 liderin e Lëvizjes Studentore dhe një prej themeluesve të PD, Azem Hajdarin.
Por historia e përjashtimeve të Berishës fillon në 1992-shin, një vit pas krijimit të Partisë Demokratike me vendimin e Berishës për përjashtimin e Gramoz Pashkos nga grupi parlamentar i cili ishte edhe një nga themeluesit e partisë. Prej këtij viti janë të paktën 26 zyrtarë të PD që me vendim të kryetarit apo të organeve të tjera të partisë janë përjashtuar nga radhët e saj. Bashkë me të Berisha përjashtoi Arben Imamin, Ridvan Peshkëpinë Perikli Tetën dhe Afrim Jupin.
