VNA lajmëroi më herët se një avokat amerikan do të jetë pjesë e ekipit ligjor të kryebashkiakut të Tiranës, Erjon Veliaj, i cili po hetohet nga SPAK për korrupsion dhe pastrim pasrash.
Avokati i ardhur nga Shtetet e Bashkuara të Amerikës zhvilloi këtë mesditë një takim me Veliajn në ambjentet e paraburgimit të Durrësit, në një kohë që nesër kryebashkuaku do të përballet me Gjykatën e Apelit të Posaçëm ku synon rrëzimin e masës së sigurisë “arrest me burg”.
Në takim mori pjesë dhe Maksim Haxhiaj, avokat i Ajola Xoxës, bashkëshortes së kryebashkiakut dhe njëherazi kreu i Dhomës Kombëtare të Avokatisë.
Teksa lanë ambjentet e burgut, avokati amerikan deklaroi për mediat se:
Në Amerikë sipas kushtetutës dhe ligjit akuzat penale ngrihen në bazë të një shkaku të arsyeshëm kur të jetë kryer një krim dhe qytetarët që përballen me akuzat penale mund të ndalohen para gjyqit vetëm nëse paraqesin rrezikshmëri arratisje ose rrezik per shoqërinë. Ndikimet e pacaktuara në afat dhe pa akuza penale dhe kriteret për rreziqe veçanërisht të politikanëve, janë në kundërshtim me sundimin e ligjit dhe demokrancinë në SHBA.
Nesër unë do të vëzhgoj argumentet e apelimit në lidhje me lirimin me kusht të kryetarit Veliaj. Une nuk do të përgjigjem për asnjë pyetje apo të bëj vërejtje të mëtejshme sot. Ju falenderoj!
