Sali Berisha ka komentuar vendimin e Agron Shehajt për të krijuar partinë e re “Mundësia”, duke e akuzuar atë për ndihmë indirekte ndaj Edi Ramës. Berisha tha se Shehajt i ishte ofruar të kandidonte për Bashkinë e Tiranës dhe të ishte drejtues politik i qarkut, por ai kishte kërkuar më shumë dhe zgjodhi të largohej.
“Iu ofrua të kandidonte për Bashkinë Tiranë. Nuk donte. Iu ofrua të ishte drejtues politik i Qarkut të Tiranës. Kërkonte më shumë. Do krijojë parti? Po mirë, krijoje. Por nëse në një moment kritik ndihmon Edi Ramën dhe dëmton opozitën, atëherë ke bërë një veprim të gabuar,” deklaroi Berisha.
Ai u bëri thirrje qytetarëve që të mos mashtrohen dhe të mos e shpërdorojnë votën e tyre. Berisha tha se ftesa Shehajt iu be kur kërkoi të largohej, por dhe pas krijimit të partisë për koalicion.
