Në konferencën për mediat, Sali Berisha u pyet sot për ardhjen e strategjistit Chris La Civita. “Datën e ardhjes po e lë surprizë për ju – por ju siguroj që do të vijë,” tha kryetari demokrat, duke theksuar edhe një herë se çdo gjë, përfshirë pagesat për La Civitan, do të jetë transparente.
Më tej, Sali Berisha sqaroi se një person nga kompania e tij do të ketë një zyrë në Tiranë, ndërsa vetë Chris La Civita do të udhëtojë herë pas here drejt Shqipërisë. Më pak se 45 ditë para zgjedhjeve, duket e çuditshme që strategjisti kryesor i fushatës së PD-së ende nuk ka një zyrë dhe staf në Tiranë, ndërsa ai vetë ka qenë vetëm një herë në një konferencë për shtyp me Berishën dhe Mediun.
