Kreu i Partisë së Lirisë, Ilir Meta nga qelia e burgut ka kërkuar shqiptarëve që t'a votojnë në 11 Maj. Përmes një audiomesazhi të publikuar në rrjetin social "Facebook" Meta shprehet se edhe 6 javë na ndajnë nga dita e fitores së lirisë dhe fitores së programit mbi pushtetin.
Në mesazhin e tij, kreu i PL-së ironizon edhe programin e Partisë Socialiste për qeverisjen dhe thotë se kryeministri Edi Rama pasi vodhi për 12 vjet taksat e shqiptarëve, ka nisur të vjedhë edhe premtimet elektorale të opozitës.
Për Metën, kryeministri i fshihet debatit të vërtetë dhe llogaridhënies, për shkak të shkeljeve që ka kryer gjat 12 viteve të qeverisjes së tij.
Ndonëse për vete është në burg, porosit strukturat që të takohen me qytetarët dhe të luftojnë në këto 6 javë në mënyrë që 11 maji të jetë dita e triumfit të tyre.
