Kryeministri Edi Rama, ka vijuar ditën e sotme me propagandë e tij se demokratët po i bashkohen PS. Në podkastin e sotëm, ai kishte të ftuar tre të rinj të Forumit Rinor të Partisë Demokratike në Vlorë, që para disa ditësh dolën në një takim të Ramës në qytetin bregdetar.
PD ka shumë për ta kritikuar, por që një i ri i ikur prej saj, i bashkohet partisë në pushtet dhe u premton mbështetje më të madhe, ndërkoh që kanë 12 vite në qeverisje dhe ka larguar mijëra moshatarë të rinj dhe ka humbur shpresën për më mirë në këtë vend, arsyeja që ta rrok mendja të bësh këtë veprim është vetëm interesi personal.
Dhe pikërisht këtë tregoi e ftuara tjetër, e cila edhe pse u mundua ta tregonte veten se ishte një demokrate e hershme, gjatë prezantimit tha se kishte punuar në administratë. Dhe për ta shfaqur kryeministrin në lartësinë që ai do, tha se para se të hynte në punë i kishte shkruajtur atij dhe ai pa e njohur e kishte vlerësuar.
Në fakt qeverisja e gjatë e PS na ka treguar se punësimin në administratë dhe kariera në PS vijnë vetëm në dy momente, kur ke mik afër kryeministrit ose mbivlerësimi që i bën publikisht atij, është kriteri që të çon në majat e pushtetit. Siç është dhe rasti tjetër që kur je punonjës administrate, të punosh për partinë në pushtet është detyrim për të mbajtur pozicionin që ke.
