Komiteti i Disiplinës i Dhomës së Avokatisë ka thirrur mbledhje urgjente në orën 12:00 për të shqyrtuar rastet e dy avokatëve që thyen bojkotin dhe morën pjesë në seancat gjyqësore.
Njëri nga rastet lidhet me pezullimin e ekzekutimit të dënimit për Greta Gjocin, e cila ishte dënuar për mashtrim me call center dhe grup kriminal dhe mbahej në paraburgim bashkë me foshnjën 4-muajshe.
Avokati e justifikoi vendimin me faktin se s'mund të linte një foshnjë në paraburgim.
Avokatët kanë vendosur bojkotin e çdo seance gjyqësore, pasi kundërshtojnë rregulloren e GJKKO-së, përderisa pretendojnë se i pengon të ushtrojnë të drejtën e mbrojtjes.
