Policia e Shtetit ka reaguar pas mesazheve kërcënuese të mbërritura mëngjesin e kësaj të premteje në adresat elektronike të disa institucioneve shtetërore, ku pretendohej se në ambientet e tyre ishin vendosur lëndë shpërthyese.
Sipas njoftimit zyrtar, strukturat e Policisë kanë nisur menjëherë verifikimet, por deri në këto momente nuk është konstatuar asnjë rast i vendosjes së lëndëve shpërthyese.
Ndërkohë, nën drejtimin e Prokurorisë, strukturat e specializuara të Policisë së Shtetit po vijojnë hetimet për të identifikuar burimin e mesazhit kërcënues dhe për të zbardhur rrethanat e ngjarjes.
