"E qartë si dielli i kësaj dite pranvere. Qytetarët përmbushën detyrën e tyre demokratike dhe patriotike" kështu deklaroi Selda Çepe, zëdhënëse e PS. Nga selia rozë, Çepe falenderoi edhe komisionerët e vëzhguesit e qendrave të votimit, "që me korrektesë garantuan një proces votimi të qetë dhe me standarde, pavarësisht disa orvatjeve sporadike, sa artificiale aq edhe qesharake, për të krijuar turbullira të kota"-deklaroi zëdhënësja. Duke u fokusuar tek tek numërimi, veçanërisht tek votat e Diasporës, PS me forcën e pushtetit kërcënoi edhe numëruesit "ju bëjmë thirrje të gjithë komisionerëve e numëruesve që të respektojnë ligjin dhe të vazhdojnë punën për ta përmbyllur me sukses e me standarde sa më të larta procesin deri në shpalljen finale të rezultatit, pa rënë pre e ndikimeve politike dhe pa luajtur me zjarrin e ligjit"-tha Çepe.
