Një djalë 16 vjeçar shqiptar është zhdukur në një nga rrugët kryesore të Belfastit, në Irlandën e Veriut. Përmes një njoftimi për mediat, Policia ka kërkuar ndihmën e çdokujt që ka parë për të ndihmuar në gjetjen e tij.
"Jemi të shqetësuar për Marvin Gjuzi, 16 vjeç, i cili është raportuar i zhdukur. Ai është parë për herë të fundit duke ecur drejt Monagh Bypass rreth orës 13:00 më 01/05/2025. Nëse e keni parë Marvinin ose keni ndonjë informacion në lidhje me vendndodhjen e tij, ju lutemi kontaktoni në numrin 101 dhe përmendni referencën 1569 - 01/05/25"-shkruhet në njoftimin e Policisë.
Deri tani nuk ka të dhëna për fatin e tij, por kërkimet për gjetjen sa më parë të tij po vijojnë.
