Gjatë një takimi me presidentin turk, Recep Tayyip Erdogan, në margjinat e samitit të NATO-s në Ankara, Trump deklaroi se administrata e tij ka vendosur t'i japë fund masave ndëshkuese ndaj Ankarasë.
"Ne do të heqim sanksionet. Nuk duam të sanksionojmë miqtë tanë", u tha Trump gazetarëve.
Presidenti amerikan bëri të ditur se po bashkëpunon me Sekretarin e Shtetit, Marco Rubio, dhe Sekretarin e Mbrojtjes, Pete Hegseth, për të finalizuar vendimin.
Trump u ndal edhe te çështja e avionëve luftarakë F-35, duke deklaruar se do ta shqyrtonte seriozisht mundësinë e rifillimit të shitjeve për Turqinë.
"Me shumë gjasa do ta konsiderojmë këtë. Turqia ka qenë shumë më besnike se vende të tjera", tha ai.
Presidenti amerikan minimizoi gjithashtu shqetësimet për blerjen nga Turqia të sistemit rus të mbrojtjes ajrore S-400, duke theksuar se marrëdhëniet mes Washingtonit dhe Ankarasë janë "më të mira, ndoshta se kurrë më parë".
