Dy shpërthime janë regjistruar këtë të martë në Damask, pranë hotelit ku ishte parashikuar të akomodohej Presidenti francez, Emmanuel Macron, gjatë vizitës së tij zyrtare në Siri.
Sipas burimeve të sigurisë, shpërthimet u shkaktuan nga mjete shpërthyese të vendosura në afërsi të hotelit. Menjëherë pas incidentit, autoritetet siriane rrethuan zonën, bllokuan rrugët përreth dhe shtuan masat e sigurisë.
Dëshmitarët okularë thanë se dëgjuan shpërthime të fuqishme, ndërsa mbi zonë u ngrit një re tymi pas aktivizimit të eksplozivëve. Deri në këto momente nuk raportohet për viktima apo dëme të konsiderueshme materiale.
Ngjarja ndodhi gjatë vizitës zyrtare të Presidentit francez në Damask, duke rritur ndjeshëm nivelin e alarmit për sigurinë e delegacionit francez. Autoritetet siriane kanë nisur hetimet për të përcaktuar rrethanat dhe autorët e incidentit.
