Presidenti amerikan Donald Trump deklaroi se një nga arsyet kryesore të udhëtimit të tij nga Uashingtoni drejt Ankarasë për Samitin e NATO-s është takimi me presidentin turk, Recep Tayyip Erdogan.
“Dua të shkoj për shkak të Erdoganit”, u tha Trump gazetarëve para nisjes, duke e cilësuar presidentin turk “një mik” dhe “një lider të respektuar”.
Trump la të kuptohet se marrëdhëniet mes Shteteve të Bashkuara dhe Turqisë mund të hyjnë në një fazë të re bashkëpunimi, veçanërisht në fushën e mbrojtjes. Sipas tij, takimi me Erdoganin pritet të shërbejë për forcimin e partneritetit strategjik mes dy vendeve.
