Partia Demokratike ka paraqitur mbrëmë ankimim në KAS dhe kërkon pezullimin e procesit të numërimit të votave të diasporës nga Greqia.
Ndërkohë, në Parkun Olimpik, sipas vendimit të kryekomisionerit shtetëror për zgjedhjet, Ilirjan Celibashi, pritet të nisë numërimi për zarfet nga Greqia. Urdhri ishte që numërimi të niste që në orën 08:00, por deri më tani kanë mbërritur vetëm numëruesit për qarkun Tiranë. Për këtë qark janë 4 mijë vota të diasporës së Greqisë.
Administrata e KQZ duhet të hedhë shortin për relatorin dhe të njoftojë anëtarët e KAS.
Ndërkohë, ka nisur numërimi në Parkun Olimpik për 53,290 zarfet e diasporës nga Greqia. Këto zarfe janë kontestuar nga Partia Demokratike.
