Ka përfunduar numërimi i votave preferenciale në qarkun e Tiranës, ku Partia Socialiste ka siguruar 19 mandate, Partia Demokratike 13 mandate, “Mundësia” 2 mandate, ndërsa partitë “Bashkë”, “Nisma Shqipëria Bëhet” dhe PSD kanë marrë nga 1 mandat.
Nga gara preferenciale për Partinë Socialiste, 7 kandidatë arritën të siguronin më shumë vota dhe të fitonin mandatin. Renditja e tyre është si më poshtë:
1. Blendi Gonxhja – 21,809 vota
2. Erion Braçe – 20,261 vota
3. Ervin Hoxha – 18,764 vota
4. Fatmir Xhafaj – 12,453 vota
5. Ornaldo Rakipi – 9,442 vota
6. Anila Denaj – 8,656 vota
7. Blerina Gjylameti – 5,715 vota
Si pasojë e kësaj gare të hapur, disa figura të rëndësishme të Partisë Socialiste nuk arritën të sigurojnë mjaftueshëm vota për të hyrë në Kuvend. Të mbeturit jashtë parlamentit janë:
• Olta Xhaçka
• Mimi Kodheli
• Pandeli Majko
• Xhemal Qefalia
• Ermonela Felaj
• Plarent Ndreca
Ndërkohë, në radhët e Partisë Demokratike gara për mandatin preferencial u zhvillua mes Jorida Tabakut dhe Ilir Alimehmetit. Me një diferencë prej rreth 2000 votash, mandatin e fitoi Tabaku, duke lënë jashtë Kuvendit Alimehmetin.
