Ndërsa vazhdon numërimi i votave të diasporës, ende nuk ka nusur numërimi i zarfeve të mbërritur nga Greqia.
Sipas Kodit Zgjedhor nëse numëruesit e GNV nuk merren vesh për një votë, atëherë vendimin e merr KZAZ.
Nëse as KZAZ nuk arrin te marrë vendim, kjo detyrë i takon Komisionerit.
Komisioneri duhet të vendosë se cili ka të drejtë dhe ose të urdhërojë numërimin ose përjashtimin nga numërimi.
Kjo procedurë me sa duket më në fund ka nisur të zbatohet në ambientet e Kompleksit Dinamo.
Kjo procedurë u ndërpre për shkak se Komisioneri në vend që të ushtronte detyrën sipas Kodit, vendosi që votat e Greqisë të liheshin mënjanë: numërojmë një herë votat e ardhura nga shtete të tjera, pastaj shohim e bëjmë.
Ky vendim i Komisionerit i tipit "me të parë e me të bërë" u shfuqizua nga KAS.
Pas 48 orëve nga urdhërimi i KAS, sot gjendja në Kompleksin Dinamo është e njëjtë.
Votuesit nga Greqia po vazhdojnë të diskriminohen edhe në Shqipëri.
