Britania ka hapur bisedime formale për dërgimin e azilkërkuesve të refuzuar në qendra paraburgimi jashtë vendit, ka njoftuar Sir Keir Starmer gjatë një vizite në Shqipëri.
Kryeministri tha se qeveria synon t’i dërgojë azilkërkuesit e refuzuar në "qendra kthimi" jashtë vendit, pasi ata të kenë shteruar të gjitha rrugët e apelimit. Ai shtoi se kjo mund të bëhet pjesë e "arsenalit" të Britanisë për të trajtuar migracionin e paligjshëm.
Zyra e Kryeministrit (Numri 10) nuk specifikoi me cilat vende janë hapur bisedimet, por gazeta The Times kishte raportuar më parë se ministrat po shqyrtojnë mundësinë e krijimit të qendrave në Ballkanin Perëndimor.
Partnerë të mundshëm mund të jenë Shqipëria, Serbia, Bosnja dhe Maqedonia e Veriut, me çdo marrëveshje që do të kërkojë që Britania të paguajë për çdo azilkërkues të zhvendosur.
Britania në bisedime për qendra paraburgimi jashtë vendit për azilkërkuesit e refuzuar.
