Pas një letre të hapur që Komisioneti Shtetëror i Zgjedhjeve u ka drejtuar numëruesve, konsultuam dispozitat e kreut te Kodit Penal që trajton lëndën e Zgjedhjeve.
Komisioneri shkruan:
"Duke falënderuar të gjithë anëtarët e Grupeve të Numërimit të Votave dhe të KZAZ-ve që po e kryejnë detyrën me profesionalizëm, në përputhje me ligjin dhe udhëzimet e KQZ-së, dëshirojmë të sjellim në vëmendje të të gjithëve:
Cënimi i votës së çdo kandidati në listën “e hapur” përbën një shkelje të rëndë të integriteti zgjedhor e që sjell pasoja ligjore serioze për përgjegjësit.
Në këtë kuadër, rikujtojmë se është e ndaluar të bëhet një rivlerësim i votave për partitë politike apo koalicionet, tani që ka filluar procesi i numërimit dhe i vlerësimit të votave për kandidatët në listën “e hapur”.
Ligji përcakton qartë se, fletët e votimit, në të cilat vota është shprehur vetëm për partinë apo koalicionin, ruhen në një zarf të veçantë dhe nuk i nënshtrohen rivlerësimit gjatë procesit të numërimit dhe të vlerësimit të votave për kandidatët.
*Çdo shkelje e këtij rregulli do të konsiderohet si tentativë për të manipuluar rezultatin zgjedhor dhe do të ndiqet me masa të rrepta ligjore.*
Komisioni Qendror i Zgjedhjeve disponon filmimet e procesit të numërimit dhe vlerësimit të votave për partitë dhe koalicionet për të gjitha KZAZ."
Kreu që trajton lëndën e zgjedhjeve në Kodin Penal, nuk ka asnjë nen qe flet për manipulim të rezultatit të zgjedhjeve.
Kodi flet për falsifikim të rezultatit te zgjedhjeve.
Neni 326 i Kodit Penal
Falsifikimi i materialit zgjedhor dhe rezultateve të zgjedhjeve
"Falsifikimi, shpërndarja ose përdorimi i fletëve të votimit, i dokumenteve dhe materialit zgjedhor, me qëllim ndryshmin e rezultatit të zgjedhjeve nëpërmjet paraqitjes në to të të dhënave, që dihen se janë të pasakta, zëvendësimi i të saktave me të rreme ose nëpërmjet futjes në kuti të fletëve të votimit në mënyrë të paligjshme dënohet me burgim nga një gjer në pesë vjet.
Po kjo vepër kur kryhet nga personat që kanë për detyrë të administrojnë procesin zgjedhor, ose ka sjellë
pasoja të rënda në mbarëvajtjen e votimit, ka cenuar integritetin e rezultatit të zgjedhjeve apo ka sjellë
pavlefshmërinë e tyre, dënohet me burgim nga tre gjer në shtatë vjet."
Ky është një Nen që flet për falsifikim te rezultatit të zgjedhjeve. Por si falsifikim konsiderohet falsifikimi, shpërndarja ose përdorimi i fletëve të votimit, i dokumenteve dhe materialit zgjedhor, me qëllim ndryshmin e rezultatit të zgjedhjeve nëpërmjet paraqitjes në to të të dhënave, që dihen se janë të pasakta, zëvendësimi i të saktave me të rreme ose nëpërmjet futjes në kuti të fletëve të votimit në mënyrë të paligjshme.
Kodi Penal nuk perdor as termin manipulim e as tentativë per manipulim.
Nëse paragrafi i parë i nenit 326 nga Komisioneri lexohet si nën që pasi modifikohet prej tij në titull nga "falsifikim" në "manipulim", u zbatoka kur numëruesit besojnë se mund të rivlerësojnë vota te kualifikuara më parë si të vlefshme, pasiqë sipas tyre duken të pavlefshme, atëherë paragrafi i dytë i nenit 326 duket si i prerë kostum, për atë që po bën komisioneri me numërimin e votave të diasporës.
Paragrafi i dytë i nenit 326:
"Po kjo vepër kur kryhet nga personat që kanë për detyrë të administrojnë procesin zgjedhor, ose ka sjellë pasoja të rënda në mbarëvajtjen e votimit, ka cenuar integritetin e rezultatit të zgjedhjeve apo ka sjellë pavlefshmërinë e tyre , dënohet me burgim nga tre gjer në shtatë vjet."
