Drejtuesi politik, Gazment Bardhi, që nuk u shfaq për tre ditë në asnjë media, ka reaguar në facebook pak minuta pasi përfundoi numërimi në qarkun e Fierit me një rezultat katastrofal për PD.
Bardhi shprehet zemërthyer që 11 maji nuk shprehu vullnetin real të qytetarëve. Sipas tij, në Fier PD u përballë me një bandë ministrash dhe drejtorësh të korruptuar.
Ai gjithashtu thotë se “Ne do të qendrojmë së bashku të panënshtruar sepse Shqipëria ka nevojë për njerëz të lirë”.
Postimi i plotë:
Një falenderim zemre
Me zemër të thyer se zgjedhjet e 11 Majit nuk ia dolën të shprehin vullnetin real të qytetarëve, dua të falenderoj me përulësi të gjithë ata demokratë dhe mbështetës të opozitës që i besuan votën Partisë Demokratike! Në qarkun e Fierit, ne ishim njerëzit e lirë përballë një bande ministrash dhe drejtorësh të korruptuar, që përdorën shtetin dhe krimin e organizuar për të ruajtur pushtetin!
Ju falenderoj me zemër për qendresën dhe besimin! Një falenderim të veçantë për strukturat e Partisë Demokratike, komisionerët, vëzhguesit dhe numëruesit e palodhur!
Ne do të qendrojmë së bashku të panënshtruar sepse Shqipëria ka nevojë për njerëz të lirë!
