Në pothuajse të gjitha mediat po shpallen shifra si rezultate përfundimtare për subjektet politike dhe diku edhe emra kandidatësh fitues ose favorit nga listat e hapura.
Për qartësim duhet të shpjegojmë se kodi zgjedhor me shprehjen "rezultat përfundimtar" i referohet rezultatit të çertifikuar nga KQZ.
Shifrat që dalin në faqen e KQZ janë ose reflektime në kohë reale te numërimit, ose rezultate paraprake aty kur numërimi ka mbaruar.
Deri në këto momente, asnjë shifër nuk mund të konsiderohet si rezultat paraprak, sa kohë që nxjerrja e atyre rezultateve mbetet e lidhur me numërimin që po ndodh në kompleksin Dinamo ku po numërohen votat e diasporës për të gjitha qarqet. E sa kohë që Celibashi ka nxjerrë një urdhër qe zarfet nga Greqia të lihen një herë për një herë mënjanë, asnje rezultat i asnjë qarku nuk mund të konsuderohet paraprakisht i dalë.
Në zarfet e mbërritura nga Greqia potencialisht ka zarfe për të gjithë qarqet.
Asnje rezultat paraprak nuk mbyllet pa u shpërndarë edhe votat e diasporës.
Ndaj nxjerrja e cdo rezultati në gjithë Shqipërinë është bllokuar nga numërimi i votave të mbërritura nga Greqia që sot nuk ndahen dos as se cilit qark i përkasin.
Grumbullimi i tyre në një qoshe ka bllokuar edhe nxjerrjen e rezultateve paraprake për qarqe që mund të perfundonin përpara të tjerëve.
Nga votat e diasporës, Tirana psh pret më shumë se 45.000 vota.
Këto përkthehen deri në 3 mandate të pacaktuara ende se cilit subjekt i përkasin.
Korça pret ende me shumë se 16.200 vota te tjera për tu numëruar. Keto janë 1 mandat ende i pandarë.
E njëjta pritshmëri për numrin e mandateve është në Elbasan, Fier dhe Vlorë.
Qytete më të vogla nuk ndikohen dot nga votat e diaspores dhe aty mandatet mund të quhen më rezistente.
Por sa kohë që thesi i ndarë më vehte për zarfet e Greqise qëndron në një qoshe edhe rezultati për to pret në qoshe, megjithëse për to mund të mos ketë më asnjë zarf në atë thes.
Se dyti, shumë portale janë nxituar të nxjerrin lista me kandidatë favorit nga listat e hapura.
Përveç faktit që zarfet e diasporës afektojnë edhe rezultatet për kandidatet, duhet të reflektojmë mbi mekanizmin e votimit kësaj rradhe.
Çdo kandidat është afërmendsh që pret shumicën e votave nga zona e paracaktuar atija për fushatë. Pastaj pret edhe çfarë i mblidhet në gjithë qarkun.
Për ta kuptuar!
Kandidat që ka mësuar rezultatin në zonën e vet është për shembull Fatmir Xhafaj nga PS.
Fatmir Xhafaj në njësinë 10 ka marrë rreth 1700 vota personale.
I njëjti kandidat në Vorë që është njësia tjetër ku rezultati i kutive është mbyllur edhe me numërimin e votës preferenciale, ka marrë rreth 150 vota. Fatmir Xhafaj tani sigurisht që pret të mbushë dhe të shtojë sasinë e votave nga çdo kuti që hapet në Tiranë ku numërohen votat preferenciale.
Por ai sot duket i favorizuar nga shifrat për shkak se për të rezultati i zonës së paracaktuar atij ka dalë.
Por për te tjerët jo.
Është e pritshme që sasinë që bën diferencën e votave, një kandidat ta marrë në zonën e paracaktuar atij. Por kjo nuk e kualifikon dot si favorit, sa kohë nuk krahasohet dot me të tjerë që janë në kushte të barabarta me të.
Për te kuptuar më shumë, duhet të konsiderojnë që Fatmir Xhafaj në zgjedhjet e vitit 2021 në njësinë 10 ka pasur më shumë se rreth 3.000 vota nga rreth 1.700 që ka sot. Në 2021 në Vorë ka siguruar më shumë se rreth 300 vota nga rreth 150 që ka sot.
Në qarkun Tiranë theu herësin me rreth 15.000 vota. Por nëse i referohemi ndryshimit që i ka ndodhur në njësinë 10 dhe në Vorë, projeksioni flet për rreth 8.000 vota kësaj rradhe.
I njëjti vlerësim mund të bëhet per secilin kandidat që media të caktuara po e klasifikojnë si favorit.
