Kreu i Partisë Demokratike Sali Berisha, nga selia blu në një konferencë me gazetarët tha se kemi fakte për vjedhjen e votave, duke deklaruar se ishte një masakër me votën e lirë.
" Farsa elektorale që bëri regjimi i Tiranës më 11 maj vitit 2025. Në këtë kuadër, PD dhe Opozita, po pregatit luftën e fuqishme për të mbrojtur votën e shqiptarëve"-tha kreu i selisë blu, duke paralajmëruar se faktet do t'i çojë në kancelaritë europiane e deri në Senat e Kongres Amerikan.
" Zgjedhje të kapura nga organizata kriminale më të fuqishme të Shqipërisë dhe rajonit, të cilat disponojnë në kontot e tyre të nëndheshme, miliarda euro dhe që luftojnë këto zgjedhje për lëkurën e tyre, sepse siç e dini, i kisha garantuar dhe vazhdoj ti garantoj se ato me PD në pushtet, do të shpallen organizata terroriste, ç’ka do të thotë ligji do të jetë i tmerrshëm për to.
Ata të cilët injorojnë se këto zgjedhje u grabitën, u plaçkitën në mënyrat më kriminale dhe antidemokratike, do të zhgënjehen më vonë, kur ne të kemi faktuar para çdo shqiptari dhe në çdo kryeqytet të Europës dhe botës, shëmtinë e kësaj farse elektorale".
