Vetëm dy ditë më parë një grua e ve me tre fëmijë u gjobit nga Bashkia e Shkodrës për rindërtimin e shtëpisë me fondet e dhuruara prej banorëve dhe xhamisë së zonës. Fshati dhe banorët u ngritën në protestë në mbrojtje të saj, duke konsideruar absurd vendimin e bashkisë për vendosjen e gjobës dhe pezullimin e punimeve. Sot, kreu i kësaj bashkie, Benet Beci ka pritur në zyrë gruan e ve, ndër të tjera për ti treguar ligjin, dhe shprehur "mbështetjen" në vijim. Beneti, nuk ka shkruar asnjë fjalë për heqjen e gjobës apo vijimin e punimeve, për ndihmen e bashkisë në këto raste dhe kontributin e pushtetit vendor , por thotë dhe tregon në Facebook me foto që i ka pritur dhe bërë foto, por asnjë zgjidhje. "Sot prita në zyrën time znj. Alijahaj së bashku me fëmijët e saj, kam dhënë mbështetje të plotë se do të bëjmë çdo përpjekje për ta lehtësuar rrugën e kësaj familjeje, duke siguruar mbështetjen maksimale proceduriale dhe institucionale"-shkruan Beneti. Por në shumë se foto dhe statuse në Facebook, kësaj familje me të drejtë ligji dhe kushtetute i duhet dhënë ndihmë nga Beneti në krye të bashkisë Shkodër. Ndaj me të drejtë lind pyetja, për cilët qytetarë punon kryetari i Bashkisë Shkodër, kur nuk punon për qytetarët që e kanë mandatuar në këtë detyrë?!
