Delegacioni i BE-së në Shqipëri ka përgënjeshtruar lajmin e Syri TV i cili pretendonte se OSBE hoqi disa emra nga raporti paraprak i zgjedhjeve të 11 majit.
BE thotë se raportet e vëzhgimit zgjedhor të OSBE/ODIHR janë të pavarura dhe të paanshme, duke u bazuar vetëm në gjetje të verifikuara nga ekipet e tyre të vëzhguesve.
Reagimi i plotë:
European Union in Albania
Njoftim: Artikulli i publikuar nga Syri.net, që pretendon se Delegacioni i BE-së në Shqipëri apo Ambasadori kanë ndërhyrë për të hequr emra nga raporti paraprak zgjedhor i OSBE/ODIHR, është i pavërtetë.
Raportet e vëzhgimit zgjedhor të OSBE/ODIHR janë të pavarura, të paanshme dhe bazohen vetëm në gjetje të verifikuara nga ekipet e tyre të vëzhguesve. Dezinformimi mund të dëmtojë besimin e publikut në proceset demokratike.
