Partitë politike në Shqipëri kanë filluar t'i tremben situatës politike në Kosovë, ku prej tre muajsh ndodhen në një krizë institucionale për shkak se asnjëra nga partitë nuk arrin të formojë qeverinë e vetme, dhe formimi i koalicioneve po ndesh në shumë probleme. Kësaj situatë po i trembet më së shumti partia në pushtet, Partia Socialiste. Sot, për herë të parë kreu socialist Edi Rama nga Dimali sulmoi ashpër partitë e vogla, sidomos ish LSI-në, sot Partia e Lirisë dhe partitë e tjera. Për LSI, Rama tha se e kishte nyje në fyt dhe se "shyqyr shpëtuam nga pengmarrësit e vegjël, tani thonë do të shkojmë në zgjedhje të parakohshme”. Për partitë e tjera të vogla tha se janë prngmarrës që kërkojnë të shkojmë në zgjedhje të parakohshme. "E kuptoni? Të rinj? Në moshë dhe fytyrë po, por në program s’kanë lidhje fare që kur thonë do të shkojmë në zgjedhje të parakohshme”, tha Edi Rama. Kësaj deklarata iu përgjigj Adriatik Lapaj, kreu i koalicionit "Shqipëria bëhet". Ai fitoi Ramën të qetësohet sepse ka 30 vite në pushtet, teksa në lidhje me deklaratat e tij për zgjedhje të parakohshme, nëse shqiptarët e votojnë do shkohet patjetër.
