Alban Zeneli, ish deputet i Partisë Demokratike, sot kërkon vota si kandidat për deputet në qarkun e Kukësit për PS. Në fjalën e tij Zeneli tha se në fakt flirtin me Ramën e kishte filluar qyshse në vitin 2019, duke dhënë votën pro reformës në drejtësi. Dhe këtë, shpjegon sot Zeneli, e bëri për të mbështetur vizionin e Ramës. Por kush është Alban Zeneli ? Në vitin 2013 Alban Zeneli u zgjodh deputet për qarkun Kukës nën logon e Partisë Demokratike. Në vitin 2019, pas dorëheqjes së Flamur Nokës nga mandati i deputetit, Zeneli fillimisht deklaroi se nuk do ta pranonte mandatin. Megjithatë, më vonë ai ndryshoi mendje dhe e pranoi mandatin, duke u betuar në Kuvend. Ai argumentoi se ishte më efektive të përfaqësonte interesat e qytetarëve brenda Parlamentit sesa jashtë tij. Në mars 2025, Zeneli u përfshi në listën e hapur të kandidatëve të Partisë Socialiste për qarkun e Kukësit, duke shënuar një ndryshim të rëndësishëm në kahun politikë.
