Deputetja e Partisë Demokratike, Jorida Tabaku, deklaroi se PD do të bëjë transparencë për kontratën e lobimit në SHBA, sapo ajo të jetë për t’u deklaruar në Komisionin Qendror të Zgjedhjeve. Sipas saj, lajmi i vërtetë lidhet me faktin që Partia Demokratike ka tashmë dyert e hapura në Shtetet e Bashkuara të Amerikës.
“PD do të bëjë transparencë për kontratë. Kur të jetë për të deklaruar do të deklarohet. E sigurt është se çdo gjë është ashtu siç është, ashtu siç duket. Është e reflektuar në kontratë. Ndjej keqardhje se të flasë mazhoranca për shumë lebetitëse, është jashtë çdo realiteti. Lajmi me atë kontratë është fakti që PD i ka dyert e hapura në SHBA dhe ka rënë një tabu e madhe”, tha Tabaku.
Deputetja demokrate, e cila në këto zgjedhje garon në listë të hapur, e komentoi kontratën e lobimit në studion e News24, ku theksoi dhe angazhimin e opozitës për fitoren në zgjedhjet e 11 majit.
