Kreu i KQZ-së, Ilirjan Celibashi, deklaroi se Partia Demokratike nuk ka detyrim të dorëzojë dokumente në Komisionin Qendror të Zgjedhjeve përpara përfundimit të afatit ligjor prej 60 ditësh pas shpalljes së rezultatit përfundimtar të zgjedhjeve.
Ai sqaroi se KQZ nuk mund t’i kërkojë aktualisht PD-së kontratën mbi të ardhurat dhe shpenzimet, pasi ende nuk ka kaluar afati ligjor dhe nuk ka ndonjë detyrim të tillë në këtë fazë.
