Sali Berisha, me një mesazh të prerë, u kërkoi kandidatëve për deputetë të Partisë Demokratike që të mos e hapin gojën për kontratën famoze prej 6 milionë dollarësh me Continental Strategy. Strategjia? Heshtja totale, me shpresën se tema do të mbytet në pluhurin e harresës publike.
Por ja që njëri nuk e mbajti dot veten! Bujar Leskaj, ndoshta i frymëzuar nga orët e vona të natës, vendosi të thyejë “ligjin e heshtjes” dhe botoi një manifest të gjatë. Në analizën e tij, Leskaj lavdëroi kontratën duke e paraqitur si çelësin magjik që do të hapë dyert e institucioneve amerikane për Partinë Demokratike, ndërsa premtoi demokraci, luftë ndaj korrupsionit dhe izolim të Edi Ramës nga “partnerët strategjikë”.
Por prisni, bëhet më interesante! Leskaj zbuloi se në këtë kontratë janë përfshirë figura të administratës Trump – Carlos Trujillo, Alex Garcia dhe Alberto Martinez – duke krijuar një narrativë që tingëllon më shumë si një skenar filmi politik sesa si realitet. Dhe në kulmin e mesazhit të tij, ai i ngjiti Ramës etiketën e zakonshme: “kukulla e Sorosit”.
Mesa duket, Berisha duhet të kishte shtuar një klauzolë në udhëzimet e tij: “Mos shkruani pas mesnate!”
Postimi i plotë
https://www.facebook.com/share/12GMVtxAkNp/?mibextid=wwXIfr
