Monika Kryemadhi e ftuar në emisionin “Dekalog nga Roland Qafoku në DritareTV sulmoi Tedi Blushin, të cilin e akuzon se ka shkatërruar partinë.
Sipas Kryemadhit, Blushi u pasurua me shkatërrimin e partisë.
“Tedi Blushi është njeriu më i lumtur në botë sot. Deputet është, gruan e ka drejtoreshë te Ulsi Manja, vjehrrin e ka nëndrejtor te spitali i burgut. Me tri shtëpi është sot, kur ka qenë pa shtëpi. Nuk ia ka bërë pushteti këto shtëpi, por shkatërrimi i partisë. Tedi Blushi e shkatërroi partinë” - tha Kryemadhi.
Kujtojmë se Tedi Blushi është një nga bashkëpunëtorët më të ngushtë të Ilir Metës. Ky i fundit pasi përfundoi në burg, i la drejtimin e Partisë së Lirisë.
