Gjykata e Lartë prishi vendimin e Apelit të Juridiksionit të Përgjithshëm dhe e ktheu për rigjykim Ergys Kolaverin. Vendimi u mor nga gjyqtari Sandër Simoni, i cili urdhëroi rigjykimin e të pandehurit, por me një tjetër trupë gjykuese.
Kolaveri ishte dënuar nga Gjykata e Tiranës me 20 vite burg për atentatin e dështuar me snajper për të vrarë Gazmir Dacin në zonën e ajrimit të burgut të Vaqarrit. Apeli e prishi këtë vendim dhe e shpalli të pafajshëm Kolaverin. Ai tashmë do të rigjykohet sërish në shkallën e dytë të gjyqësorit, edhe pse ka rifituar lirinë.
