Një ngjarje e rëndë u regjistrua një ditë më parë në Roskovec, ku një 52-vjeçar dyshohet se shkeli urdhrin e mbrojtjes dhe shkoi në banesën e ish-bashkëshortes së tij, ku plagosi me drapër babanë e saj.
Pas ngjarjes, Merita Gremaj ka rrëfyer përjetimet e saj, duke folur për dhunën që pretendon se ka pësuar dhe gjendjen e rënduar psikologjike në të cilën ndodhet.
“Jam shumë, shumë e ngarkuar dhe kam nevojë urgjentisht për psikolog. Më ka dhunuar, më ka përdhunuar nga të gjitha anët. Nuk mundesha më, nuk lëvizja dot. Vetëm më kërcënonte. Çdo minutë: ‘Do të vras! Do të vras!’”, u shpreh Gremaj.
Dëshmia e saj vjen pas episodit të dhunshëm në Roskovec, ndërsa 52-vjeçari kishte ndaj tij një urdhër mbrojtjeje që e ndalonte t’i afrohej ish-bashkëshortes.
