SPAK urdhëroi kontroll në paraburgimin e Bradasheshit, në sektorin ku mbahet Ergys Agasi, i akuzuar si kreu i një grupi të strukturuar kriminal që vepronte brenda Agjencisë Kombëtare të Shoqërisë së Informacionit.
Gjatë kontrolleve në kuzhinën e sektorit, mësohet se janë gjetur dhe sekuestruar pije alkoolike.
Burimet thanë se janë gjetur edhe disa pajisje wireless, të cilat po ekspertohen. Kontrolli u krye ditën e shtunë, pas të dhënave që SPAK kishte siguruar në rrugë operative përmes BKH-së.
Ergys Agasi, i akuzuar si koordinatori mes grupeve kriminale dhe kryeministrit të vendit, u arrestua te Plepat, në Durrës, pas 8 muajsh në arrati. Më herët, në Francë, u arrestua biznesmeni Ermal Beqiri, i akuzuar si bashkëpunëtori i tij i ngushtë.
