Sekuestrohen 41 kg e 350 gramë kokainë në Portin e Durrësit, me vlerë tregu rreth 2 milionë euro.
Policia njoftoi se sasia e kokainës ishte fshehur në një kontejner me origjinë nga Brazili, i cili, sipas dokumentacionit, transportonte mish pule.
“Gjatë kontrollit të kontejnerit, në kapakët e jashtëm të tij u konstatuan 37 paketime me lëndë të dyshuar narkotike kokainë”, deklaroi policia.
Në Portin e Durrësit prej shumë kohësh nuk ishte sekuestruar një sasi kaq e madhe kokaine. Para 4 apo 5 vitesh ka pasur raste të shpeshta ku sekuestroheshin tonelata kokainë që vinte kryesisht nga Ekuadori.
