Gjykata e Posaçme kaloi për gjykim dosjen “Partizani”. Ish-kryeministri Sali Berisha është i pandehuri kryesor në këtë proces dhe tashmë zyrtarisht ai do të gjykohet në themel për akuzën e korrupsionit kryer në bashkëpunim. Ndërsa dhëndrri i tij Jamarbër Malltezi dhe biznesmeni Fatmir Bektashi do të gjykohen për korrupsion dhe pastrim parash. Të pandehurit e tjerë për akuzën e pastrimit të parave.
Vendimi për kalimin e dosjes për gjykim zgjati plot 7 muaj, për shkak të kërkesave të vazhdueshme të avokatëve, për pavlefshmëri të akteve të dosjes. Këto kërkesa u intensifikuan pas publikimit të disa dokumenteve që bëri publike ish-kryeministri, ku pretendon se Irena Gjoka, gjyqtarja paraprake e çështjes së tij, ka fshehur dënimin në Greqi e më pas dëbimin nga ky shtet. Me këtë argument, avokatët kërkuan pavlefshmëri të akteve dhe pushim të dosjes. Por, kërkesat e tyre u rrëzuan dhe çështja u kalua për gjykim. Avokati Genc Gjokutaj e konsideroi të padrejtë vendimin dhe theksoi se drejtësia është e kapur. Dosja Partizani do të hidhet në short dhe brenda 3 javëve në vijim do të nisë dhe procesi në themel. Sali Berisha akuzohet nga SPAK për favorizim të dhëndrit të tij, Malltezi, për të privatizuar ish-kompleksin sportiv Partizani.
Njoftimi i plotë
1. Prokuroria e Posaçme kundër Korrupsionit dhe Krimit të Organizuar me datë
15.10.2024 ka paraqitur pranë Gjykatës kërkesën me objekt: “Dërgimin për gjykim të
procedimit penal nr. 287, të vitit 2020 të Prokurorisë së Posaçme kundër Korrupsionit dhe
Krimit të Organizuar, në ngarkim të të pandehurve Sali Berisha, Jamarbër Malltezi,
Fatmir Bektashi, Xhimi Begeja, Andia Pustina, Studio Pustina sh.p.k., Shoqëria
Homeplan sh.p.k. dhe Shoqëria Kontakt sh.p.k.”
.
2. Në seancën e datës 19.05.2025 (seanca paraprake), Gjykata e Posaçme e Shkallës së
Parë për Korrupsionin dhe Krimin e Organizuar, ndër të tjera, ka vendosur:
Pranimin e kërkesës së Prokurorisë së Posaçme kundër Korrupsionit dhe Krimit të
Organizuar dhe dërgimin për gjykim trupit gjykues të themelit të Gjykatës së Posaçme të
Shkallës së Parë për Korrupsionin dhe Krimin e Organizuar, procedimin penal nr. 287, të
vitit 2020 të Prokurorisë së Posaçme kundër Korrupsionit dhe Krimit të Organizuar, në
ngarkim të të pandehurve:
Sali Berisha, akuzuar për kryerjen e veprës penale të “Korrupsioni pasiv i
funksionarëve të lartë shtetërorë ose i të zgjedhurve vendorë”, kryer në
bashkëpunim, parashikuar nga neni 260 e 25 i Kodit Penal.
Jamarbër Malltezi, akuzuar për kryerjen e veprave “Korrupsioni pasiv i
funksionarëve të lartë shtetërorë ose i të zgjedhurve vendorë”, kryer në
bashkëpunim me shtetasin Sali Berisha, parashikuar nga neni 260 e 25 i Kodit
Penal, si dhe “Pastrimit të Produkteve të veprës penale ose veprimtarisë
kriminale” kryer në bashkëpunim, parashikuar nga neni 287, paragrafi i dytë e 25
i K.Penal, në formën e parashikuar nga gërma “b”, “c”, “ç” dhe “d” të K.Penal.
Fatmir Bektashi, akuzuar për kryerjen e veprave penale të “Korrupsioni aktiv i
funksionarëve të lartë shtetërorë ose i të zgjedhurve vendorë”, parashikuar nga
neni 245 i Kodit Penal dhe “Pastrimit të Produkteve të veprës penale ose
veprimtarisë kriminale” kryer në bashkëpunim, parashikuar nga neni 287,
paragrafi i dytë e 25 i K.Penal, në formën e parashikuar nga gërma “b”, “ç” të
K.Penal.
Xhimi Begeja, akuzuar për kryerjen e veprës penale të “Pastrimit të Produkteve
të veprës penale ose veprimtarisë kriminale” kryer në bashkëpunim, parashikuar
nga neni 287 paragrafi i dytë e 25 i K.Penal, në formën e parashikuar nga gërma
“b”, e K.Penal.
Rruga “Jordan Misja” Nr.1, 1057 Tiranë; tel/fax 0035542231527; www.gjp.gov.al Andia Pustina, akuzuar për kryerjen e veprës penale të “Pastrimit të Produkteve
të veprës penale ose veprimtarisë kriminale”, parashikuar nga neni 287 paragrafi
i dytë i K.Penal, kryer ne bashkepunim, gjate ushtrimit te nje veprimtarie
profesionale, në formën e parashikuar nga gërma “b”, “ç”, “dh” të K.Penal,
Studio Pustina sh.p.k., akuzuar për kryerjen e veprës penale të “Pastrimit të
Produkteve të veprës penale ose veprimtarisë kriminale”, parashikuar nga neni
287 paragrafi i dytë i K.Penal, në formën e parashikuar nga gërma “b”, “ç”, “dh”
të K.Penal,
Shoqëria Homeplan sh.p.k., akuzuar për kryerjen e veprës penale të “Pastrimit
të Produkteve të veprës penale ose veprimtarisë kriminale”, parashikuar nga neni
287 paragrafi i parë i K.Penal, në formën e parashikuar nga gërma “b”, “ç” të
K.Penal,
Shoqëria Kontakt sh.p.k., akuzuar për kryerjen e veprës penale të “Pastrimit të
Produkteve të veprës penale ose veprimtarisë kriminale”, parashikuar nga neni
287 paragrafi i pare i K.Penal, në formën e parashikuar nga gërma “b”, të K.Penal.
Tiranë, më datë 19.05.2025
Gjykata e Posaçme e Shkallës së Parë për Korrupsionin dhe Krimin e Organizuar
