Sali Berisha ia doli ta shtynte pas zgjedhjeve parlamentare të 11 majit vendimin e Gjykatës së Posaçme për dërgimin ose jo në gjyq të dosjes “Partizani”, ku vetë është i pandehur për akuzën e korrupsionit kryer në bashkëpunim. Sot, gjykata pritet të mblidhet në orën 11:30 dhe të vendosë për fatin e çështjes që pritet me mjaft interes.
Mbetet për t’u parë nëse avokatët do të paraqesin kërkesa të reja apo thjesht do të presin shpalljen e vendimit. Berisha akuzohet se favorizoi dhëndrrin e tij, Jamarbër Malltezi, në procedurat e privatizimit të ish-klubit sportiv “Partizani”.
