Ndonëse ndodhet në burg prej katër muajsh, kryebashkiaku i Tiranës, Erion Veliaj ende vazhdon me propagandën në rrjetet sociale. Ditën e sotme ka poastuar një foto 3D nga projekti në fundin e Blevardit të Ri, Veliaj shkruan se “me financimin e qeverisë së Katarit do t’i japë Tiranës sheshin ceremonial që meriton”.
Edhe pse duhet të fokusohet në hetimet që kryhen ndaj tij që të dalë i pastër nga akuzat që i janë ngritur nga SPAK për korrupsion dhe pastrim parash, kryebashkiaku thotë që mezi pret që projekti të bëhet realitet.
Vlen të theksohet fakti që në një kohë kur karriera e tij politike po shkon drejt agonisë, Veliaj nuk i ndahet fotove propagandistike dhe mbështetjes ndaj PS.
Kryebashkiaku përvçse rrezikon të dënohet me disa vite burg, edhe partia ku bën pjesë i ka bërë dalje. Madje, zëvëndësja e tij që kur ka marrë mbështetjen e Ramës, e ka pastruar bashkinë e Tiranës edhe me vartësit e emëruar prej tij.
Mbetet për t’u parë nëse postimet e tij janë shpresë se do rikthehet një ditë, apo thjesht janë kujtime që do t’i ndajë me ndjekësit.
