Kreu i opozitës, Sali Berisha, ka prezantuar një plan për financimin e premtimeve të PD-së, duke argumentuar se fondet do të sigurohen nga ulja e korrupsionit dhe keqpërdorimit të parasë publike. Ai përmendi si burime kursimi shpenzimet e panevojshme, si djegësit e Tiranës dhe fluturimet me avion taksi të kryeministrit, si dhe realizimin e projekteve publike me çmime ndërkombëtare.
Megjithatë, i pyetur për faturën konkrete të programit të tij, Berisha u mjaftua vetëm me një përgjigje të shkurtër: “Fatura financiare është lehtësisht e përballueshme”, pa dhënë asnjë detaj mbi vlerën ose burimet specifike të financimit.
