Delegacioni i Bashkimit Europian në Tiranë ka reaguar për protestat e studentëve dhe nxënësve, duke dënuar përshkallëzimin e dhunës dhe shkatërrimin e pronës publike e private.
Në reagimin e tij, delegacioni u bën thirrje protestuesve të tregojnë vetëpërmbajtje dhe të shmangin çdo akt dhune, duke theksuar se “dhuna nuk ka vend në demokraci”.
Njëkohësisht, BE-ja nënvizon se liria e tubimit dhe e shprehjes janë të drejta themelore dhe vlera thelbësore europiane, të cilat duhet të respektohen dhe të ushtrohen në mënyrë paqësore.
Delegacioni kërkon dialog konstruktiv mes të gjitha palëve, duke e cilësuar atë si të vetmen rrugë përpara për adresimin e shqetësimeve legjitime të protestuesve.
