Seanca plenare e Kuvendit, e parashikuar për t’u zhvilluar ditën e sotme, është anuluar në një kohë kur Tirana po përjeton tensione të forta pas protestave të dhunshme të dy ditëve të fundit.
Deputetët e mazhorancës kanë lënë ambientet e Parlamentit, ndërsa anulimi i seancës vjen në klimën e krijuar nga revolta e studentëve dhe përplasjet me policinë, të cilat mbrëmjen e djeshme u përshkallëzuan në sulme ndaj institucioneve dhe shkatërrime të pronës publike e private.
Ende nuk ka një shpjegim zyrtar nëse vendimi për anulimin e seancës lidhet drejtpërdrejt me protestat dhe shqetësimet për sigurinë.
